Do oder nid do - derby oder nid derby
Im Bundesroot dert dien si spinne
dr Sämi isch duss und dr Murer jetzt dinne.
Dr Sämi Schmid dä sait zem Nef
Sig Sag Sug ich bi di Chef.
Hüt sait dr Nef, bin ich im Plus
Sig Sag Sug au du bisch duss.
Dr Leuenbärger, Couchepain, Merz und Micheline
die dränge sich alli nomol ihne.
Mir meine, alt gnueg sin si alli scho,
wenn wänn die ändlig goh?
En andere wo denn halt het miesse goh
und alli im Räge het lo stoh.
Das isch dr armi Ospel, zwar e Fagant
däm gämmer nimme gärn d'Hand.
In ere Clique haig me ihm offeriert,
falls er je si Job verliert.
S'Amt als Requisitedrägger
y waiss nimme, isch's bi de Fuegefäger?
Im Fuessball dert isch au eppis los
nid nur dr FCB spielt nimm famos.
Me munglet dr Gross suecht e neyi Wohnig
gäll Gigi er verlosst ys jetzt nonig.
Aber d'Fuessballstars hän gjublet derno
wo usekoh isch dass Petignat will go.
S'gäb no viel z'brichte wär isch gange wär isch ko
wichtig isch derby - mir sin immer no do!