E Liechtli im Finanzloch.
D Wältwirtschaft steggt in dr Gryyse,
de findsch mängg Bänggler deert, e fyyse.
Vyyli Bänggler, ooni grosses Gwisse,
hänn enander meermools bschisse.
D Räppli, d Neetli, alli Batze,
legsch gscheiter dehai under di Matratze.
Vergiss die Bänggler-Abzocker-Mentalitäät,
kauf lieber dyyner Frau e Kuchigräät.
So isches halt uff dääre Wält,
s regiert allewyyl s liebe Gäld.
Down Jones, Euro Stoxx und SMI,
vergisses und blyyb lieber grad dehai.
An dääne Börsedaate do hesch z bysse,
drum investiere mir lieber in es Glääsli Wysse.
Wo s durab goot, goots au wider duruff,
drum sinn mir zueversichtlig und guet druff.
S Liechtli im Finanzloch isch zwoor no blass,
doch s wird heller, do druff isch Verlass.