Dr Charly-Terror isch äntlig verbyy
Jetzt steen mir als Pfyffebutzer yy.
Nei gmischled und d’Würfel lo falle,
s’Gligg isch uff unsere Syte, das gfalld uns allne.
Im Iebigslokal vo de Vertschubblete iebe mr voll motiviert
Denn mr wäärde vo dr Sibylle ohni „Zämmeschysse“ instruiert.
D Jaqueline schmaisst alli Hofnaare-Erinnerige in Ryy
Und erhofft mit däm e Hailig vo ihrer Charly-phobie.
D Gunnel kaa zem Gligg wiider lache
Denn jetzt darf si wiider Fasnacht mache.
Au wenn dr Charly maint, dyy Pfyfferkunscht sig z’wenig guet
Muesch es nid glaube Hanni, los uff en Urs, dä macht dr wieder Muet.
Dr Vortrab lauft im Glyychschritt mit unserem Obmaa Urs
Nur ein fallt us dr Raaie, gäll Marcel du bsuechsch emool e Kurs.
D Irène steggt ihri Energie vor dr Fasnacht nimmi ins Golfbäll hole
Nai si duet au das Joor wiider unseri Ladäärne moole.
D Evelyne rysst uns uss em Sumpf wie ne Dompteur s Krokodil an Land
si spiilt derbyy mit K(r)opf und hett e Gedächtnis wie ne Elifant.